Мизи мудаввар бахшида ба 26 июн-Рўзи байналмилалии мубориза бар зидди маводи нашъаовар Печать
Автор: Комрон   
20.06.2019 06:40

Мизи мудаввар бахшида ба 26 июн-Рўзи байналмилалии мубориза бар зидди маводи нашъаовар

18- уми июни соли 2019 дар меҳмонхонаи “Lotus” бо ибтикори Муассисаи давлатии «Маркази миллии мониторинг ва пешгирии нашъаманди» -и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамбастагӣ бо Раёсати СММ оид ба маводи нашъадор ва ҷинояткорӣ (UNODS) дар Ҷумҳурии Тоҷикистон мизи мудаввар таҳти унвони “Роҳҳои пешгирӣ ва бақайдгирии беморони нашъаманд, бемориҳои сироятии марбут ба он (ВНМО, ҳепатити В ва С) ва истифодабарии ғайритиббии маводи нашъадор” доир гардид.

Дар ҳамоиш намояндагон аз вазорату сохторҳои дахлдор, коршиносон, шарикони рушд, намояндагони ташкилотҳои ҷамъиятӣ, намояндагони васоити ахбори омма иштирок намуданд.

Чорабиниро муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Камолзода М. ифтитоҳ намуда, роҷеъ ба талошҳои Ҳукумати Тоҷикистон таҳти сарварии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ҷиҳати муборизаи ҷаҳонӣ бо маводи нашъовар ва кўмаку мусоидати созмонҳои умумибашарӣ барои пешгирии ин бемории аср изҳори назар намуд. Тоҷикистон дар қатори дигар кишварҳо дар мубориза бар зидди маводи нашъаовар устувор буда, он пеш аз ҳама ба нафъи амнияти ҷомеа талош менамояд.

Директори Муассисаи давлатии “Маркази миллии мониторинг ва пешгирии нашъамандӣ” Малахов М рафти мизи мудавварро роҳбарӣ намуда, мухтасаран оид ба ҳадафи ташкили чорабинии мазкур маълумоти муфассал дод. Ў ҳамчунин, қайд намуд, ки 26 июн - Рўзи байналмилалии мубориза бар зидди маводи нашъаовар»-ро дар тамоми ҷаҳон қайд менамоянд. Нашъамандӣ - душмани ҳаёти солим буда, пешгирӣ аз ин вабои аср пеш аз ҳама ба воситаи боло бурдани маърифати тиббии мардум, ҳамкориҳои муташаккилона ва босуботу устувор бо сохторҳои масъул, шарикони рушд ба даст меояд.

Дар ин замина, роҳбари Раёсати Созмони Миллали Муттаҳид (СММ) оид ба маводи нашъаовар ва ҷинояткорӣ- UNODS дар Тоҷикистон хонум Амилия Ҳанафот дар иртибот ба ин масъала ибрози андеша намуд. Инчунин вобаста ба масъалаи мазкур Мирзоев Ш. – муовини директори МД “Маркази миллии мониторинг ва пешгирии нашъамандӣ”, Анварова С. – сардори шуъбаи МД “ Маркази ташаккули тарзи ҳаёти солим”, Боймуродов К.– корманди МД “Маркази ҷумҳуриявии пешгирӣ ва мубориза бар зидди бемории ВНМО”, Сафарализода Б.– сардори шуъбаи Агентии назорати маводи нашъаовари назди Президенти Ҷумҳурии Тоҷикистон баромад карданд ва бо ин восита ањли нишаст љињати пешгирии нашъамандї ва мушкилотњои вобаста ба он мубодилаи афкор намуданд.